Loader

Author: kc-admin

「飛沙走奶」大家就聽得多,唔知「飛沙走石」又有冇聽過呢?「沙」其實係指白砂糖,因為兩者嘅外型好相似,所以「飛沙」即係走糖,而「石」即係冰粒,同樣因為冰粒同石頭嘅外型、質地都好似,所以「走石」就係走冰咁解!嚟緊去茶餐廳食飯可以試吓同伙計講:「嚟杯飛沙走石唔該!」...

有時候我哋茶餐廳請人,都會想請「文武吧」,唔通個伙計要「好打得」?梗係唔係啦!話說以前冰室一般都只係得水吧提供飲品同輕食為主,到後嚟轉型茶餐廳,有埋廚房可以供應炒粉麵同碟頭飯,如果個廚可以入得廚房埋鑊,又出得水吧沖咖啡茶同整「三寶」,就可稱為文武吧喇!...

喺茶餐廳聽到伙計嗌「制水」,唔通佢哋冇水用?當然唔係啦!其實「制水」喺茶餐廳術語解乾炒牛河,因為乾炒牛河嘅縮寫係「乾河」,如果條河乾咗冇晒水,咁就要「制水」喇!...

又係我畢霆聰呀~之前同大家講過「反茶」,今次講吓「掛杯」啦!你以為講緊紅酒?咁就錯喇!其實大家日常飲到嘅奶茶,都會出現掛杯!只要沖奶茶嘅淡奶奶脂含量夠高,奶茶就會喺杯邊留下波浪形〰嘅痕跡,下次飲嘅時候不妨留意吓!...

更新日期:2020年3月6日 如果話 “沙嗲牛” 係茶餐廳其中一款最具代表性嘅食物,相信都無乜人會反對。 雖然大家成日都會食,但係點整就真係考起🤯師傅話要整到香濃惹味、爽滑彈牙,係要加好多唔同嘅汁醬,經過好多唔同嘅步驟先得嘅。 報名參加我哋嘅水吧班,咁就自己係屋企都食到 “沙嗲牛麵” 啦👍🏻!...

更新日期:2020年3月6日 茶餐廳嘅奶茶當然唔可以錯過啦,但係都唔可以忽略其他野食嘅!介紹返,今日嘅主角 – 豬潤麵。 雖然淨係豬潤同麵,睇落好似好簡單,其實好考功夫。除咗要辟走豬潤嘅異味,仲要做到爽滑彈牙,咁先算合格。 我哋嘅水吧班由金茶王大賽得獎師傅親自教授,令大家都可以變身做大師傅。...

更新日期:2020年3月6日 大家好,我係畢霆聰!自從我出咗上一篇文之後,好多朋友仔問我,究竟咩叫「反」,咁今次我就同大家講下啦!「反」即係話個茶底渾濁、做唔到晶瑩剔透。而「反」咗嘅茶通常都會比較嚡口,咁杯凍檸茶就無咁好飲喇。咁點解會「反」呢?主要原因係喺製作茶底嘅時候,茶底溫度相差太大,或者篤完檸檬後,酸鹼度嘅變化。...

更新日期:2020年3月6日 29並唔係讀「二十九」,亦唔係「二九」,而係「二nine」!聽完個讀音之後,係咪豁然開朗呢?無錯喇!今次講嘅飲品就係熱奶啦!因為「2」同「熱」嘅讀音好相似,而「9」嘅英文讀音同「奶」都好相近,所以「29」就即係熱鮮奶啦!...